Tuesday, February 21, 2017

෴සයිටම් විරිඳු ෴


ඔන්න ඉතිං කියෝන ගමන් අහන්නත් පුළුවන්.. 
෴සයිටම් කතා වස්තුව෴
පහළින් සද්දෙට දාලා ඇති, අහගෙනම යන්න

පළමු විරිඳු සෙට් එක

සකල සිරින් පිරි ලක්දිව
හොර වෙද කඩයක් බිහිවිය
කෝටි ගණන් කරමින් ණය
වෙද උපාධි එහි අලෙවිය

අත මිට යහමින් ඇති අය
උසස්පෙළට නැහැ නොවැ බය
යන්තම් ගොඩ දාගෙන එය
සයිටමයට යන්න හැකිය

ගන්නට මෙඩිසින් ඩිග්‍රිය
සායන පුහුණුව අවැසිය
ලෙඩ්ඩු නැතිව වේලි ගිය
රෝහල් මඩුවක් එහි විය

නැතිවිට ඩිග්‍රියේ ප්‍රමිතිය
වෙද සභාව අකමැති විය
අග මුල නැති පී එම් සිය
ලත් තැනදීම එහි ලොප් විය

හක්කේ බුදු රැස් දිළිසිය
බොක්කේ දඩ මස් දිස් විය
නෙවිල්ගේ හොර වැඩ එළිවිය
එල්ලෙන්නට වැල් නැති විය

දැම්මට හොර වෙද නළාව
සුව කරන්න බෑ ලෙඩාව
ප්‍රමිතිය නැති බව සැබෑව
කියනවා දැන් වෙද සභාව

නටන්න බැරි බව දැන දැන
පොලොව ඇදයි කියනු එපා
නැති කොලිටිය පෙන්නා ගෙන
හොර උපාධි දෙන්න එපා

පෙර සිට සුරැකිව පැවතෙන
ඉසිවර ගුණ නසනු එපා
පරදනු තුරු නුදුරු දිනෙක
ආපසු යලි හැරෙනු එපා

රටටම සෙනසුරු දසාව
ලබන දිනය එයි ළඟාව
රැක ගන්නට ඔබෙ ලෙඩාව 
පරදමු සයිටම් යකාව

මෙතනින් අහන්න - පළමු සෙට් එක



දෙවන විරිඳු සෙට් එක

සයිටම් හොර කඩයට    
ලයිසන් ගෙන දීමට 
රාජිත එස් බී ලට
දුන්නලු මනි පොදියට

මහජන සේවය ගැන
පාරම්බා ගෙන එන
උසස්ම අධ්‍යාපන 
ඇමතිට වෙයි කොඩිවින

රෝගී ජීවිත ගැන
නැත කැක්කුම මුන් හට
ලෙඩ හැදුනම මුන් ටික 
දුවන්නේ පෝලිමේ රට

නිදහස් අධ්‍යාපන
ක්‍රමයට පින් දී ගෙන
අසරණ දුප්පත් දරුවන්
වුනා මෙරට දොස්තර

කුට්ටි කුට්ටි අරගෙන 
ඇමතිලා තුන් කට්ටුව
විනාශ කරනවා අපේ රට 
පැවතුන ඒ යහපත

මව ගැන මෙන් රට ගැන
සිහියට ගෙන සැම දෙන
එක් වී ගෙන පෙරමුණ
සයිටම් පරදනු මැන

පුදකර හෝ ජීවිත
නිදහස් අධ්‍යාපන
සුරකිමු අප සැමදෙන
දරුවන් ගැන සිතමින

දොස්තර කම මුදලට
පමණක් දෙන සයිටම
වසා දමන දවසට 
සැමටම වෙයි යහපත

මෙතනින් අහන්න - දෙවන සෙට් එක


ගායනය - දුමිත අමරසිංහ
වාදනය - මියුරු රංගන


Saturday, February 4, 2017

ක්‍රිකට් සහ සයිටම්

මගේ පොඩි කාලේ හීනේ උනේ ලංකා ක්‍රිකට් ටීම් එකට යන එක. ඒත් මටනම් වැඩිය ක්‍රිකට් ගහන්න බෑ. ටෙනිස් බෝලෙට ගහගන්න බැරි උනාට සල්ලි දුන්නම ලෙදර් පුළුවන් වෙනෝලුනේ. පස්සේ තාත්තා මාව ගමේ ලොකු ඇමති තුමාගේ හිතවතෙක් කරන ක්‍රිකට් ඇකඩමියට කනෙන් ඇදන් ගිහින් බාර දුන්නා. ක්‍රීඩා ඇමතිගේ බෑණත් හිටියා. සුදුසුකම් වලට ඇහුවේ ක්‍රිකට් මැච් බලල තියෙනවද කියල විතරයි. ෆුට්බෝල් ගහපු දෙතුන් දෙනෙකුත් හිටිය.




තාත්තා රුපියල් කෝටියක් ක්‍රිකට් ඇකඩමියට ගෙව්වත් ඒකෙ හරියට පිට්ටනියක් තිබ්බේ නෑ. ඒත් සිද්ධාන්තේ ඉගැන්නුවා. අවුරුදු පහේ කෝස් එකනම් ඉවර උනා. බෝලේ ඇල්ලුවෙත් දවස් දෙකයි. සහතිකෙත් හම්බුනා. ඒත් තාත්තා ගේම් එක අත් ඇරියේ නෑ. මාවත් එක්ක ගිහින් දැම්මා උසාවියේ නඩුවක් මාව සිලෝන් ටීම් එකට, සුදුසුකම් සපුරලා තියෙන්නේ කියල. අපි නඩුව දින්නා. (දිනපු විදිය ගැන නම් අහන්න එපා)

තේරීම් කමිටුවත් අදාළ නෑ කිව්වා, ක්‍රිකට් පාලක මණ්ඩලේ අදාලත් නෑ කිව්වා. හෙට සෞත් ඇෆ්රිකා යන්න ලැස්ති වෙන ගමන්. මාත් දැන් ක්‍රිකටර් කෙනෙක්. දැන් ඉතිං රිප් ශ්‍රී ලන්කන් ක්‍රිකට් කියල පෝස්ට් දාන්නයි, නීතියේ දෙවඟනට අපහාස කරන්නයි ලැස්ති වෙන්න එපා කුහකයෝ.

දැන් හෙට ඉඳන් මැච් පැරදුනොත් නං නුන් ගාන්න එපා! ඇයි මීට කලින් ලංකාව මැච් පැරදිලා නැද්ද?

ක්‍රිකට් ගහන්න හැමෝටම අයිතියක් තියෙනවා හරිය!! එන්න එපා කුහක කම් කරන්න!!

යකෝ මුන්ට සල්ලි වලට IPL ගහද්දි හොඳයි, ක්‍රිකට් වලින් සල්ලි හොයන්න හොඳයි නම් සල්ලි දීල ක්‍රිකට් ටීම් එකට යන එකේ අවුල මොකද්ද?

වෙන එකෙක් ගොඩ යද්දී තමා මුන්ට රිදෙන්නේ!! හූ හූ කුහකයෝ!!

ප.ලි:  මූණු පොතේ හමු වූ අදහසකි...

Sunday, January 29, 2017

"සිතුවිලි" - අලුත්ම සිංහල බ්ලොග් සින්ඩිය

ඔන්න අලුතින් සින්ඩියක් පටන් ගත්තා.
හුඟ කාලෙක ඉඳන් තිබුණු අයිඩියා එකක් තමයි ඉතින් මගේම කියල සින්ඩියක් පටන් ගන්න එක. කොහෙද බොගේ පැත්ත පළාතෙවත් එන්න බැරි උනානේ කාලෙකින්..

අවුරුදු දෙකකට විතර පස්සේ අද තමයි බොගියේ පෝස්ටුවක් දා ගත්තේ. ඒත් එක සින්ඩියකවත් වැටුනේ නැහැ නෙව. කොහේ වැටෙන්නද, හුඟ කාලෙකින් පෝස්ටුවක් දා ගන්න බැරි උනානේ.
ඔය අතරේ තමයි දැක්කේ අපේ ගොඩක් ඒ කාලේ තිබුණු සින්ඩි දැන් වැඩ කරන්නේ නෑ. අලුතෙන් යාවත්කාලීන වෙන්නේ නෑ.
එතකොට තමයි හිතුනේ සින්ඩියක් හදන්න ඕනි කියල. 

වැඩිය කියවන්න ඕනි නෑ. ගිහින් බලන්න ඔයාලගේ බ්ලොග් එකත් ඇතුලත් කරලා නැත්තන් අදම එකතු කරන්න. මට පුළුවන් විදියට ටික ටික බ්ලොග් එකතු කරනවා...


මේ බැනර් එක ඔබේ බ්ලොගයේත් එල්ල ගන්න පහත පියවර අනුගමනය කරන්න.

01. මුලින්ම බ්ලොගර් Dashboard ඒකට යන්න.
02. Layout ක්ලික් කරන්න.
03. Add a Gadget ක්ලික් කරන්න.
04. HTML/JavaScript යන්න තෝරන්න.
05. Content වලට පහල තියෙන JavaScript එක Copy කරලා Paste කරන්න.

<!-- Codes by HTML.am -->
<!-- CSS Code -->
<style type="text/css" scoped>
img.GeneratedImage {
width:200px;height:80px;margin:5px;border-color:#FFFFFF;border-style:solid;
}</style>
<!-- HTML Code -->

<a href="http://csklankasyndi.blogspot.com/" target="_self"><img src="https://blogger.googleusercontent.com/img/b/R29vZ2xl/AVvXsEhljuC2kBCwLQyRLU6AaHwKvW6el8lq2mHAzMTPZT1u8ED8b1FhzBDRNOJy6AShGIDfW7aw2Bn1YA0-OeTrFRHsFjUDjFq3j730CKK-IbPNwCMBihb900M12kYW_vEX_-qlH1FtQsFi/s1600/Banner.jpg" alt="Photo of the Remarkables mountain range in Queenstown, New Zealand." class="GeneratedImage" /></a>




දෙවියනි මේක මම මැව් ඒ සුර ලොව ය෴

එකොමත් කලෙක මම හිටියා 5 වසරේ
අම්මල නිසා ශිෂ්‍යත්වෙත් පාස් උනේ 
ගුරුතුමා ඇවිත් හිටි හැටියේ ඇසු පැණයේ
කවුරුන් වෙන්න කැමතිද ඔබ පසු කාලේ 

අනෙ ගුරුතුමනි ඔබ ඇසු දෙය සුපුරුදුය
එක වසරේ සිට දන්නේය උත්තරය 
අම්මයි තාත්තයි මට කීවේ එය ය 
Doctor කෙනෙක් වීමයි මගෙ උත්තරය 

ඔව් ඔව් අම්මේ දොස්තරයෙක් වෙන්නෙමිය
කාරයේ නැගී රට වට ට්‍රිප් යන්නෙමිය 
කොණ්ඩය කෙලින් කරලා හෙම පොෂ් වෙමිය
ගමට කන්න සල්ලිත් මම දෙන්නෙමිය

සර්ලා කිව්වා කැම්පස් වැඩ කිරිකජු ය 
එම ආශාව පෙරදැරි කොට වැඩ කලෙ ය
O/L, A/L හෙමි හෙමිහිට සමත් වි ය
කරාපිටියේ වෙදමැදුරට පහත් වි ය

දෙවියනි මේක මම මැව් ඒ සුර ලොව ය
අමා රස බොජුන් කැන්ටිමේ බත් පතෙ ය
සුරඟන රැඟුම් ඇත ඉඳහිට ඔඩියේ ය 
හීනෙන් වුවද පෙනෙන්නේ දේවතා එළි ය

මාසෙන් මාසේ පොඩි exam තියෙන්නේ
ඉඳහිට මෙහෙට ලොකු අකුනුත් ගසන්නේ 
stress ඇතත් ජීවිතේ හරි සරලයි නේ
රෝහල් යෑම සහ lectures විතරයි නෙ 

සර්ලා මැඩම් ලා හැමදා පසසන්නේ 
ඒකනේ ඉතින් තනි කකුලෙන් අපි ඉන්නේ
patient ලා ට විතරයි දුක තේරෙන්නේ
history ගද්දි බුදු වෙන්නැයි පතනවනේ 

සමහරදාට casualty ත් සෙට් වෙන්නේ 
සතියක ගොසිප් එක දවසින් කියැවෙන්නේ
surgery දවසේ පිජාමා කිට් ලැබෙනවනේ 
සීතලේ ගුලි ගැහී හොඳ හැටි නිදියන්නේ

යාළුවො මගේ පිටරට job කරනවනේ 
බැඳපු අයට අස්වැන්නත් ලැබිලානේ
අතමිට සරු නිසා බඩ කට පිරෙනවනෙ
උන්ගේ life හරි ජොලියෙන් ගෙවෙනවනේ

අවුරුදු 3ක් මේ සුර ලොව ගෙවෙන්නේ
එකනේ මෙහෙම හිටිවන කවි ලියන්නේ 
කාසි එපා කොළ මිටි දෙන මහතුන්නේ
මතු භවයේත් දොස්තර යැයි පතන්නේ 


උපුටා ගැන්මකි